Kitchen type shabu lab sa GENSAN

Kitchen type ng shabu laboratory

GENERAL SANTOS CITY - Gisulod sa ginsakpan sa National Bureau of Investigation (NBI) ang panimalay ni Melchor Yap sa Salazar Street, Barangay Southning dakbayan pinaagi sa search warrant nga gi-isyu ni Judge Oscar Noel Jr. sa RTC Branch 25.

Gidudahang nagtago ug kitchen type nga shabu laboratory ang suspek human gireklamo sa mga residente ang dili ordinaryong baho sa lugar nga ilang nasimhotan.

Nasikop ang magtiayon nga si Melchor og Love Love Yap kong asa nakumpiska ang mga gamit sa kusina nga gituohang gigamit sa pagluto ug shabu ug ubang shabu residue.

Matud pa ni NBI Special Investigator Dominic Cerro, nga gireklamo si Yap human mapalitan og hilabihan ka pait nga shabu.

Ning semanaha lang, subling nanimaho ang naasoyng gambalay ug namatikdan ang sulod-gawas nga mga bisita sa magtiayon.

Gidugang pa ni Cerro nga naperpekto na ni Yap ang gihimong pagluto og shabu sa iyang balay.

Sukad Disyembre hangtod ning bulana, gipakusgan sa NBI ang pagpanikop sa mga nalambigit sa ilegal nga droga nga miresulta sa pagkasikop sa dul-an napulo ka mga suspetsado.

Melchor Yap

Posted in: